1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Shugaba al-Sisi na Masar na son a tsagaita wuta a Gaza

Fauziyya Dauda
October 27, 2024

Shugaba Abdel-Fattah al-Sisi na Masar, ya ce kasarsa ta mika bukatar cimma yarjejeniyar tsagaita bude wuta na kwanaki biyu a Gaza, inda za a sako wasu da Hamas ta tsare.

https://p.dw.com/p/4mI0t
Shugaban kasar Masar, Abdel-Fattah al-Sisi
Shugaban kasar Masar, Abdel-Fattah al-Sisi Hoto: THIBAULT CAMUS/AFP via Getty Images

Shugaban na Masar Abdel-Fattah al-Sisi ya ce, a cikin kudurin yarjejeniyar za a sako wasu daga cikin fursononin Falasdinu da kuma wasu mutum hudu daga cikin wadanda Hamas ke tsare da su, tare da shigar da kayan agaji cikin Zirin Gaza da Isra'ila ta yiwa kawanya.

Karin bayani: Kasashen duniya na kira da a kawo karshen yakin Gaza

Wannan dai shi ne karo na farko da shugaban Masar ya mika wannan bukata a bainar jama'a. Shugaba al-Sisin ya ce wannan matakin zai samar da ci gaba, kana idan yarjejeniyar ta kwanaki biyu ta fara aiki, za a cigaba da tattaunawa domin tabbatar da ita na din-din-din.

Sai dai kuma babu martani daga hukumomin Isra'ila ko kuma kungiyar Hamas wadanda ke gwabza yaki yau sama da shekara guda. Kasar Masar dai na zama babbar mai shiga tsakani a rikicin Gaza tare da kasashen Katar da kuma Amirka.