1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaAfirka

Sudan: MDD ta yi tir da harin RSF a kauyen Wad Al-Noura

Mohamed Tidjani Hassane
June 7, 2024

Sakataren MDD Antonio Guterres ya yi tir da Allah wadai da wani kazamin harin da ake zargin rundunar sa kai ta RSF ta kai a wani kauye da ke gabashin Sudan tare da kisan sama da fararen hula 100.

https://p.dw.com/p/4glSH
Sudan | Mohamed Hamdan Daglo
Hoto: Ashraf Shazly/AFP

Masu fafutikar dimokuradiyya a Sudan sun bayar da rahoton cewa a ranar Larabar da ta gabata ce dakarun da ke karkashin janar Mohamed Hamdane Daglo suka kai harin da manyan makamai na atilari a kauyen da ake kira Wad Al-Noura da ke yankin Al-Jazira a kudancin kasar.

Baya ma ga halaka fararen hula sama 100, rahotannin na nuni da cewa harin ya yi sanadiyar jikkatar wadansu darurruwan mutane.

Karin bayani: Masar za ta dauki nauyin taron sasanta rikicin Sudan

Antoniyo Guterres ta bakin kakakinsa ya nuna matukar damuwa kan halin kunci da wannan yaki da ya barke a watan Afrilun bara ya jefa miliyonyin al'ummar Sudan, tare kuma da kiran bangaron da ke fada da juna da su ajiye makamai.