1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroMashariki ya Kati

Watawala wa Syria waanzisha operesheni kwenye ngome ya Assad

26 Desemba 2024

Serikali ya mpito ya Syria imeanzisha Alhamisi operesheni kwenye ngome ya rais aliyeondolewa Bashar al-Assad. Vikosi vya usalama vilifanya msako dhidi ya wapiganaji watiifu kwa Assad katika mkoa wa magharibi wa Tartus.

https://p.dw.com/p/4oawv
Watawala wa Syria kwenye operesheni dhidi ya wafuasi wa Assad
Wizara ya mambo ya ndani ya Syria imesema askari polisi 14 wameuawa katika shambulio la kuvisia TartusPicha: Leo Correa/AP Photo/picture alliance

Shirika la habari la serikali - SANA limesema vikosi vya usalama vilifanya msako dhidi ya wapiganaji wanaomuunga mkono Assad katika mkoa wa magharibi wa Tartus, na kuwauwa wanamgambo kadhaa. Shirika linalofuatilia hali nchini Syria, Syrian Observatory for Human Rights limesema wapiganaji watatu wanaohusishwa na serikali ya Assad waliuawa kwenye operesheni hiyo.

Imefanywa siku moja baada ya maafisa 14 wa polisi wa serikali ya mpito na wapiganaji watatu kuuawa katika makabiliano yaliyozuka kwenye mkoa huo. Yalitokea wakati vikosi vya ndani vilijaribu kumkamata afisa mmoja wa utawala wa Assad.

Shirika hilo lenye makao makuu yake nchini Uingereza limesema Mohammed Kanjo Hassan, alikuwa afisa wa sheria wa kijeshi aliyetoa  hukumu za kifo na hukumu za kiholela dhidi ya maelfu ya wafungwa katika gereza kuu la Saydnaya. Gereza hilo, eneo kulikofanywa mauaji ya kiholela, mateso na watu kutekwa, lilidhihirisha ukatili uliofanywa dhidi ya wapinzani wa Assad.