Libiya: Mutane 11000 suka mutu

Hukumar bayar da agajin gaggawa ta Majalisar Dinkin Duniya OCHA ta yi kiyasin cewar dubban daruruwan mutane ne ke bukatar agaji bayan mummunar ambaliyar. Kasar ta Libiya  da ke arewacin Afirka ta fuskanci wata mummunar guguwa a ranar Lahadin da ta gabata inda madatsun ruwa guda biyu suka fashe a kusa da birnin Darna, suka share sassan birnin, mai yawan jama'a  dubu dari.Yanzu haka samun shiga yankin da bala'in ya afku yana da matukar wahala, bayan lalacewar hanyoyi da gadoji, da kuma layukan wutar lantarki da na wayar tarho a manyan yankuna, inda akalla mutane dubu 30 suka rasa matsuguni yayin da wasu sama da du 11 suka mutu.